محكمة الأسرة

قصدت منه محكمة الأسرة من أجل رفع دعوى خلع بعد ما سئمت من زوجها الذي لا يعرف أي شيء عن المسئولية وكل الذي يعرفه هو الخروج، وبعدما حولت معه مرارًا وتكرارًا أنه يجب عليه الالتفات للمنزل ولأولاده، ولكنه في الحقيقة كان يتمادى في استهتاره ما جعلها تصر على رفع دعوى خلع في محكمة الأسرة.

حكايات محكمة الأسرة .. فاكر الجواز خروج وفسح بس

استهلت منة حكاياتها للقاضي مؤكدة أنها تعاني من بداية الزواج بسبب تحملها كل مسئوليات المنزل دون تدخل زوجها الذي من المفترض أن يكون هو “رجل البيت”، ولكن الذي روته عكس ذلك نهائيًا وقالت: “تقريبًا كان فاكر إن الجواز كله فسح وخروج بس ومش فاهم إنه المفروض يشيل البيت ويصرف عليا انا والعيال”، تابعت: “مش عايز يتحمل مسئوليه وعايز يصرف مرتبه كله على الخروج سواء معايا أو مع صحابه مش مهم مصاريف البيت، وكل ما أكلمه يقولي خلينا نبسط”.

قصص محكمة الأسرة .. كنت فاكراه هيتغير بعد الخلفة

تستكمل منة حكاياتها قائلة: “كنت فاكرة إنني لما أخلف الموضوع هيختلف بس الحقيقة الدنيا باظت أكتر عشان بقا مش عايز يصرف جنيه على العيال وعايز يضيع كل فلوسه على الخروج والفسح بس”، تابعت: “أهلي ادخلوا كتير وكلموه وحاولوا يفهموه إنه كدا بيفكر علطول ولازم يخلي باله من عياله ويشوف مصاريفهم ومينفعش الطريقة اللي هو عايش بيها دي”.

قضايا محكمة الأسرة .. منه في دعوى خلع

تفاقمت المشكلات بطريقة جعلتها لم تتحمل الاستكمال في حياتها بهذه الطريقة ما جعلتها تقصد محكمة الأسرة من أجل إقامة دعوى خلع، تستكمل منه رواياتها لقاضي المحكمة: “مفيش فايدة فيه برضو، نزلت اشتغل عشان اصرف على العيال اللي ملهمش ذنب في أي حاجة وقلت شوية وهيتعدل بس برضو لسه زي ما هو بالعكس بيزيد فيها”، انهت: “لقيت إن مفيش فايدة فيه وإني عايشة مع العيال لوحدي من غير ما هو يساعدني في أي حاجة، سبت البيت ورفعت عليه قضية خلع بيقالي شهرين بما إني وجوده زي عدمه مش فارق في أي حاجةة”

تابع أحدث الأخبار
عبر