محكمة الأسرة سمر تطلب الخلع من زوجها في المحكمة

دعوى نفقة في محكمة الأسرة الطريق الذي سلكته سمر لتأخذ حق أولادها من زوجها؛ الذي يرفض الإنفاق عليها بأي شكل من الأشكال ما جعل المشكلات تتفاقم بينهما حتى تصاعدت ووصلت إلى محكمة الأسرة من خلال رفع دعوى نفقة.

حكايات محكمة الأسرة .. مش عايز يصرف على البيت

 تستهل رواياتها لقاضي المحكمة مؤكدة على أنها تعاني من مشكلات من بداية الزواج بسبب رفض الزوج الإنفاق عليها هي والأولاد، وبالرغم من تفاقم المشكلات إلا أنه يصر على عدم الإنفاق، تتابع: “من ساعة ما اتجوزت والمشاكل كلها على المصاريف ومهما اتخانقت أو سيبت البيت عشان يتعدل بس برضو مفيش فايدة”.

تستكمل رواياتها قائلة: “أهلي كلموه كتير بس هو مش عايز يصرف علينا آخر ما زهقت طلبت منه الطلاق بس هو مش راضي يطلق، وسكت وحاولت أمشي الدنيا عشان خاطر العيال بس مفيش فايدة فيه خالص”

قصص محكمة الأسرة .. عايزني امشي البيت بعشرين جنيه

تستكمل سمر حكايتها للقاضي قائلة: “حاولت استحمل عشان خاطر العيال وكنت برضى بأي حاجة يسبها بس خلاص الدنيا غليت أوي وبقت الفلوس اللي بيسيبهالي متكفيش حتى اجيب فطار ليا انا والعيال ولسة برضو بيسيب لي نفس العشرين جنيه وعايزني أمشي البيت بيها”، تركت المنزل وهي مصرة على رفع دعوى نفقة ضد زوجها الذي يرفض الإنفاق عليهم لتأخذ حق أولادها الثلاثة.

قضايا محكمة الأسرة .. سمر في دعوى نفقة

نفذت كل محاولات سمر في إصلاح عش الزوجية وكانت النتيجة الأخيرة هي اللجوء إلى محكمة الأسرة، أنهت سمر رواياتها: “لما لقيت مفيش فايدة فيه سبتله البيت ورفعت قضية نفقة عشان زهقت من كتر ما بتكلم في الفلوس وهو مبيسمعش مني اي حاجة”، كانت دعوى النفقة التي أقامتها سمر في محكمة الأسرة بمثابة طوق النجاة الذي ينقذها من مشكلاتها معه، ولا تزال القضية التي أقامتها منذ 3 شهور منظورة في محكمة الأسرة بزنانيري.

تابع أحدث الأخبار
عبر