تستقبل أسرة الموسيقار حلمي بكر عزاءه، غدًا الأحد الموافق 3 مارس في الحامدية الشاذلية، حيث رحل عن عالمنا أمس الجمعة بعد معاناة مع المرض.
جنازة حلمي بكر
وستشيع جنازة حلمي بكر اليوم السبت في القاهرة بمسجد السيدة نفيسة، ولكن لم يتم تحديد الموعد حتى يصل ابنه الذي يحرص على حضور جنازته ويرصدها تحيا مصر.
تصريحات نجل حلمي بكر
من جانبه، قال ابن حلمي بكر ببرنامج كلمة أخيرة: حالة بابا مش كويسة خالص، حالته لا يرثى لها، عنده مشاكل كتير صحية، منها الكلى، وتقدم سنه أثر على ذاكرته وقدرته على التركيز في الأيام الأخيرة، وللأسف الشديد جاتلي أخبار عن طريق عمي كلمني من حوالي يومين قالي أني لازم أجي مصر في أسرع وقت لأن غالبا حلمي بكر في أيامه الأخيرة، وأنا فعلا بجهز أني أجي قريب.
وتابع: وأنا عايش في أمريكا من وأنا عندي 15 سنة، ومامتي وبابايا انفصلوا وأنا عندي 11 سنة، وعلى طول سيبت مصر، وأنا كنت على اتصال بوالدي أثناء الكورونا بس من ساعة الكورونا مقدرتش أشوفه، وعلاقتي مع أبويا مش التقليدية اللي بين أب وابنه لأسباب كتير.
واستطرد: بيجيلي أخبار عن المعاملة السيئة اللي عايش فيها والدي من مراته الحالية، وناس تانية متعلقين بمراته، مراته طلعته من بيته اللي هو بيت المهندسين اللي أنا اتربيت فيه وأنا صغير، ونقلته لشقة في الشرقية في الأرياف لا تليق بحلمي بكر ابدا، ومحدش عارف يوصل لحلمي بكر لأنهم واخدين منه تليفونه، وأنا بحاول اتصل بيه مش بعرف اوصله، فمراته الحالية مسيطرة على كل شيء وهي اللي بتعمل القرارات وفي أخبار تانية بتجيلي من الفنانة نادية مصطفى أنه جالها رسائل صوتية من أصدقاء حلمي بكر بيقولوا أنه بيغتال وبيتعذب من أفراد مرتبطين بمراته.
شقيق حلمي بكر يكشف عن مفاجآت
وقال فتحي بكر شقيق حلمي بكر ببرنامج تفاصيل، للإعلامية نهال طايل والذي يعرض عبر فضائية “صدى البلد 2″، عن تعذيب زوجته له : “حلمي بكر في الموضوع ده من سنين وأتصل بأسرته وحكي لنا اللي بيحصل من زوجته سماح القرشي والمشاكل اللي بينهم وإحنا روحناله في الفترة دي وبعدها شوفناه في حالة مش كويسة ومريض وتعبان”.
وأوضح أنه تحدث مع زوجة شقيقه حلمي بكر وأن ما تفعله مع الأخير من معاملة غير طيبة ولكنها لم تعرف قيمة حلمي بكر، وجاءت لي رسالة صوتية مفادها شقيقي يتعرض للتعذيب.
واستطرد، أنا قلقان على حلمي بكر لأنه بيستنجد بينا من اللي بيحصل معاه وبعدها بنروح البيت بيرفض ييجي معانا.. في علامة إستفهام في الموضوع.
وأردف، أنه تفاجأ بعد فترة بوجود شقيقة في منزل زوجته بالشرقية منذ شهر ونصف، متسائلا :”هل مصر مفهاش أطباء أو دكاترة كويسين.. وسمعت في الأول أنه مختطف”.
